Plantun de Prouvènço

Pèr coumpara dos planto d'encò nostre

Typha domingensis & Equisetum variegatum

Paviho-rousso

Typha domingensis

Typhaceae

Àutri noum : Fielouso, Filouso, Masseto, Cire, Sagno.

Nom en français : Massette australe.

Descripcioun :
Coume tóuti li Typha, la paviho-rousso se recounèis à sis espigo femello e masclo. N'i'a cinq meno de Typha ; aquelo se destrìo, de segur de la coulour de l'espigo femello, rousso, mai peréu de si fueio pas trop largo e en mié-ciéucle en coupo, e tambèn de la loungour de separacioun entre li dos espigo (2 cm). Li fueio an d' auriheto gaire redouno au contro de T. angustifolia (vèire lou dessin).

Usanço :
Li fueio de paviho podon èstre utilisado pèr lou sagnage di cadiero e li flour pèr rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.

Port : Grando erbo
Taio : 1 à 2 m
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Typha
Famiho : Typhaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 29 à 31 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun

Liò : Palun - Roubino - Ribiero
Estànci : Termoumediterran à Mesoumediterran
Couroulougi : Subretroupicalo
Ref. sc. : Typha domingensis (Pers.) Steud., 1821

Counsòudo(-margaiado)

Equisetum variegatum

Equisetaceae

Àutri noum : Coussòudo, Couëto.

Nom en français : Prêle panachée.

Descripcioun :
Aquesto pichoto counsòudo trachis dins li bas-palun de mountagno. Se recounèis à soun espigo, pas bèn longo, dóu bout pounchu e subretout à si guèno negro bourdado de blanc (vèire li fotò).

Usanço :
A bessai li mémi prouprieta que lis àutri counsòudo, mai n'en sabèn rèn. Escriéure au site se n'en sabès mai.

Port : Erbo
Taio : 10 à 20 cm
Fueio : ges
Tipe bioulougico : Geoufite
Cicle bioulougico : Planto renadivo

Gènre : Equisetum
Famiho : Equisetaceae

Ordre : Equisetales

Coulour de la flour : Ges de flour
Petalo : ges
Ø (o loungour) enflourejado : 0,5 à 1 cm
Flourido : Printèms - Estiéu

Sòu : Ca (Si)
Autour basso e auto : 1600 à 2600 m
Aparado : Noun
Jun à avoust

Liò : Bas-palun - Riéusset
Estànci : Mountagnard à Aupen
Couroulougi : Bourealo
Ref. sc. : Equisetum variegatum Schleich. ex F.Weber & D.Mohr, 1807

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Typha domingensis & Equisetum variegatum

ges

Coumpara Paviho-rousso emé uno autro planto

Coumpara Counsòudo(-margaiado) emé uno autro planto